«Կոմերսանտ»-ի ռազմադիվանագիտական աղբյուրները պնդում են, որ Լեռնային Ղարաբաղի շուրջ հակամարտության ներկայիս լուրջ սրացումը միտումնավոր ծրագրված և հրահրված է եղել Թուրքիայի կողմից։ Ըստ աղբյուրի վարկածի՝ վերջին ամիսների ընթացքում Անկարան ակտիվորեն հրահրում էր Բաքվին ռազմական գործողություններ սանձազերծել բազմակողմանի քաղաքական-դիվանագիտական, հետախուզական և ռազմատեխնիկական աջակցության խոստումների ներքո։ Ավելի վաղ Թուրքիայի՝ Լեռնային Ղարաբաղի շուրջ հակամարտությանը անմիջական միջամտության մասին խոսում էին ԱՄՆ-ի և Ֆրանսիայի իշխանությունները։

Պատկերը, որը նկարագրում է «Կոմերսանտ»-ի ռազմա-դիվանագիտական աղբյուրը, հետևյալն է. Թուրք-ադրբեջանական հերթական զորավարժությունների ավարտին հուլիս-օգոստոս ամիսներին Ադրբեջանի տարածքում իբր մնացել է Թուրքիայի զինված ուժերի զգալի խմբավորում, որն էլ կոչված էր կոորդինացնող և ուղղորդող դեր խաղալ Լեռնային Ղարաբաղում հարձակողական գործողության պլանավորման և անցկացման գործում:

Խոսքը 600 զինծառայողների մասին է, ներառյալ 200 հոգուց բաղկացած գումարտակային մարտավարական խումբը, Նախիջևանի 50 հրահանգիչները, Բաքվի 90 ռազմական խորհրդականները (ապահովել են բրիգադ—կորպուս—գլխավոր շտաբ շղթայում մարտական գործողություններ իրականացնելիս), Գաբալայի ավիաբազայում թռիչքատեխնիկական կազմի 120 մարդ, Դալյար օդանավակայանում անօդաչու թռչող սարքերի 20 օպերատորներ, 50 հրահանգիչներ Եվլախ օդանավակայանում, 50 հրահանգիչներ 4-րդ բանակային կորպուսում (Պիրեկեշկյուլ) և 20 մարդ Բաքվի ռազմակայանում և Բաքվի Հեյդար Ալիևի անվան ռազմական ուսումնարանում, հաղորդել Է ՏԱՍՍ-ը. Այդ խմբավորումն իբր իր մեջ ներառել է 18 ԲՄՊ, համազարկային կրակի մեկ ռեակտիվ համակարգ, տասը միավոր ավտոտեխնիկա և մինչև 34 միավոր ավիացիոն տեխնիկա (ներառյալ 6 ինքնաթիռ, 8 ուղղաթիռ, մինչև 20 անօդաչու թռչող սարք), որոնք ռազմական հետախուզություն էին ապահովում ինչպես Ղարաբաղի շրջանում, այնպես էլ Հայաստանի տարածքում:

աղբյուրների համաձայն` վերջին ամիսների ընթացքում Անկարան ակտիվորեն սադրել է Բաքվին` ռազմական գործողություններ սանձազերծելու՝ խոստանալով բազմակողմանի քաղաքական և դիվանագիտական, հետախուզական և ռազմա-տեխնիկական աջակցություն:

«Հուլիս-օգոստոս ամիսներին թուրք-ադրբեջանական վերջին զորավարժություններից հետո, Ադրբեջանի տարածքում մնացել են Թուրքիայի զինուժի մեծ թվով խմբավորումներ, որոնք էլ միտված են եղել կոորդինացնող և ուղղորդող դեր խաղալու Լեռնային Ղարաբաղի վրա հարձակողական գործողությունը ծրագրելու և իրականացնելու մեջ: Խոսքը 600 զինծառայողների մասին է, ներառյալ՝ 200 հոգանոց մարտավարական խումբը, 50 կարգադրիչները Նախիջևանում, 90 ռազմական խորհրդականները Բաքվում, 120 հոգուց բաղկացած թռիչքային-տակտիկական խումբը Գաբալայի ավիաբազայում, անօդաչու թռչող սարքերի 20 օպերատորները Դալլյար օդակայանում, 50 կարգադրիչները Եվլախի օդանավակայանում, 50 կարգադրիչները 4-րդ բանակային կորպուսում և 20 հոգին Բաքվի ռազմա-ծովային բազայում ու ռազմական ինստիտուտում»,- նշել են թերթի աղբյուրները:

Ռազմական գործողությունների թեժ պահին` սեպտեմբերի 28-30-ը, Ադրբեջան են ժամանել Թուրքիայի Պաշտպանության նախարար Հուլուսի Աքարը և ցամաքային զորքերի հրամանատար Ումիտ Դյունդարը: «Коммерсантъ»-ի աղբյուրները հավաստում են, որ նրանք տեղում իրականացրել են ղարաբաղյան ճակատի գործողությունների ընդհանուր ղեկավարումը:

Հոկտեմբերի 9-ին, ինչպես հայտնել են «Կոմերսանտ»-ի զրուցակիցները, ադրբեջանական ռազմատրանսպորտային ինքնաթիռով Ամման-Բաքու երթուղով Վրաստանի տարածքով տարանցմամբ իրականացվել է 200 միավոր գնդացիրների և ռազմամթերքի մատակարարում: Ավելի վաղ Թուրքիան նաև Վրաստանի օդային տարածքով տարանցիկ թռիչքներ իրականացնելու հայտ է ուղարկել հոկտեմբերի 14-ի, 21-ի և 28-ի համար: Թերթի աղբյուրները հայտնում են, որ բոլոր թույլտվությունները ստացվել են։

«Թուրքիայի ներկայացուցիչները Սիրիայում և Լիբիայում կռվող, Անկարային հավատարիմ իսլամիստական խմբավորումներից հավաքագրում են վարձկանների`Լեռնային Ղարաբաղի դեմ ռազմական գործողություններում Ադրբեջանի կողմից կռվելու համար: Նրանց տեղափոխումն իրականացվում է Թուրքիայի Պաշտպանության նախարարության աջակցությամբ: Հոկտեմբերի առաջին շաբաթվա ընթացքում Լեռնային Ղարաբաղի հակամարտության գոտի է տեղափոխվել մինչև 1300 սիրիացի գրոհային և առնվազն 150 հոգուց բաղկացած լիբիացի վարձկանների խումբ: Վարձկաններին առաջարկվել է ամսական մինչև 2 հազար դոլար աշխատավարձ: Վարձկանների առաջին խումբն Ադրբեջան է ուղարկվել դեռ սեպտեմբերի 22-ին, որոնք Սիրիայում երկշաբաթյա պատրաստություն են անցել թուրք կարգադրիչների մոտ: Նրանք «Փայլաք աշ-Շամ», «Սուլթան Մուրադի բրիգադ», «Ֆիրկատ Համզա» և «Ֆիրկատ Սուլեյման Շահ» խմբավորումների անդամներ են:

Սեպտեմբեր-հոկտեմբեր ամիսներին Թուրքիայից Ադրբեջան է տեղափոխվել նաև մեծ թվով ռազմական տեխնիկա, զինամթերք և մարդուժ», - գրում է «Коммерсантъ»-ը: